ಸೂರ್ಯಕಾಂತಿ

ತಡರಾತ್ರಿಯಲ್ಲಿ ಅವಳಿಗೆ ಅವನೂ, ಅವನಿಗೆ ಅವಳೂ ನೆನಪಾದಳು. ಇಬ್ಬರೂ ಒಂದೇ ಸಮಯಕ್ಕೆ ಫೋನ್ ಹಚ್ಚಿದರು. ಅವಳು ಫೋನ್ ಮಾಡಿದಾಗ ಅವನ ನಂಬರ್ ಬ್ಯುಸಿ, ಅವ ಕರೆ ಮಾಡಿದಾಗ ಅವಳ ನಂಬರ್ ಬ್ಯುಸಿ ಬಂತು. ಈ ರಾತ್ರಿಯಲ್ಲಿ ಅವಳ್ಯಾರಲ್ಲೋ ಮಾತನಾಡುತ್ತಿದ್ದಾಳೆ ಎಂದು ಅವನು, ಅದ್ಯಾವಳ ಜೊತೆ ಅವ ಮಾತನಾಡುತ್ತಿದ್ದಾನೆ ಎಂದು ಇವಳು. ಇಬ್ಬರ ಮನದಲ್ಲೂ ಸಂಶಯದ ಭೂತ. ರಾತ್ರಿ ನಿದ್ದೆ ಮಾಡದೆ ಇಬ್ಬರೂ ಏನೋ ಯೋಚನೆ ಮಾಡುತ್ತಾ ಕಾಲ ಕಳೆದರು.

————–

ನಂಗೆ ಬಲೂನ್ ಬೇಕು ಎಂದು ಅವಳು ಹಠ ಹಿಡಿದಳು. ವಯಸ್ಸಿಗೆ ಬಂದಿದ್ದೀಯಾ ಮಕ್ಕಳಾಟ ಆಟಬೇಡ ಎಂದು ಅವ ಗದರಿಸಿದ. ಬಲೂನ್ ಕೊಡಿಸದ ಇನಿಯ ಮೇಲೆ ಕೋಪದಿಂದ ಮುಖ ಊದಿಸಿಕೊಂಡು ಆಕೆ ನಡೆದಳು. ಈಗ ನೀನೇ ಬಲೂನ್ ತರ ಕಾಣ್ತಿದ್ದೀಯಾ ಎಂದು ಆತ ಮುದ್ದಾಡಿದ.

—————–

ಹೆಂಡತಿ ಮೇಲೆ ಸಿಟ್ಟಿನಲ್ಲಿ ಅವನು: ‘ದೇವರು ಯಾಕೆ ನಿನಗೆ ಬುದ್ದಿ ಕೊಡಲಿಲ್ಲ?’ ಎಂದು ಬಿಟ್ಟ.

ಅವಳು: ನಂಗೆ ದೇವರು ಸ್ವಲ್ಪವಾದರೂ ಬುದ್ದಿಕೊಟ್ಟಿದ್ರೆ ನಿಮ್ಮ ಪ್ರೊಪೋಸಲ್್ಗೆ ನಾನು ‘ಯಸ್್’  ಅಂತಾ ಹೇಳ್ತಿರ್ಲಿಲ್ಲ!